Халықаралық балаларды қорғау күні - бұл ерекше қуаныш пен жылулыққа толы мереке. Балалық шақ мерекесін назардан «Бурабай» МҰТП де назардан тыс қалдырмайды.
Мекеменің кәсіподағы ұлттық парктің жас достарына сыйлықтар сатып алды. Табиғатты қорғау қызметіне байланысты конкурстарға, іс-шараларға қатысқан Бурабай, Бұланды және Біржан сал аудандарындағы балаларды құттықтады.
1-7 маусым аралығында ұлттық парк өкілдері балаларға мектептерде, орманшылықтарда және атаулы түрде үйіне барып сыйлықтар табыстады.
1 маусымда «Бурабай» МҰТП командасы шағын футболдан қайырымдылық турниріне қатысты. Турнир №11 мектеп "ІТ BIL Burabay" базасында өтті. Турнирге Олимпиадалық дайындық орталығы, «Достар» отбасылық кафесі, «ІТ BIL Burabay" командалары да қатысты. Турнирге қатысу жарналарының сомасы Щучинск қаласындағы мамандандырылған балалар үйіне сыйланды.
Мамандандырылған мектептердің, мекемелердің балалары үшін таныстыру экскурсиялары ұйымдастырылып, өткізілді.
Балалардың күлкілері біздің әлемді жарықтандырсын және кішкентай тұрғындарының әрқайсысы сау және бақытты болсын!
