



«Бурабай» МҰТП дирекциясы келушілерге өз уақытын үнемдеп, Ұлттық парк аумағына кіру ақысын алдын ала төлеу мүмкіндігі бар екенін еске салады. Барлық автоматтандырылған бақылау-өткізу бекеттері Kaspi.kz және Homebank электрондық төлем жүйелеріне қосылған.
Өтініш, Ұлттық паркке кірер тұста кідіріп қалмау үшін банктік қосымшасының «Төлемдер» бөлімінен «Бурабай» ұлттық паркі. Кіру ақысы» нұсқасын таңдау арқылы алдын ала төлеңіз. Сол кезде тиісті сома шығатын уақытта автоматты түрде есептен шығарылады, бұл бақылау-өткізу бекетіндегі уақытты едәуір үнемдейді.
Сондай-ақ, Ұлттық парктің адамдар ең көп баратын жерлерінде Kaspi.kz Homebank банктерінің онлайн төлем жасайтын QR-кодтары қойылған.
Кіру ақысын банк картасымен немесе қолма-қол ақшамен (терминал арқылы) төлеуге де болады. Кезекті тежемеге дайын болыңыз.
Еске сала кетейік, 2025 жылдың 1 қаңтарынан бастап Ұлттық паркке кіру ақысы:
- жеңіл автокөлік - 0,3 АЕК (1180 теңге);
- сыйымдылығы 16 орынға дейінгі шағын автобус және жүк көлігі - 1 АЕК (3932 теңге);
- 32 орынға дейін автобус - 2 АЕК (7864 теңге);
- 32 орыннан көп автобус - 3 АЕК (11796 теңге).
1 мамырдан 30 қыркүйекке дейінгі аралықта демалыс пен мереке күндері кіру ақысы:
- жеңіл автокөлік - 0,4 АЕК (1573 теңге);
- сыйымдылығы 16 орынға дейінгі шағын автобус пен жүк көлігі – 1,5 АЕК (5898 теңге);
- 32 орынға дейінгі автобус - 2,5 АЕК (9830 теңге);
- 32 орыннан көп автобус - 3,5 АЕК (13762 теңге).
Табиғи қорғалатын мекен аумағына кіру ақысынан босатылды:
- электромобильдер;
- жолаушыларды тұрақты тасымалдауды жүзеге асыратын автобустар;
- зейнеткерлердің, мүгедек адамдардың, Ұлы Отан соғысы және басқа мемлекеттер аумағындағы әскери іс-қимылдарға қатысқан ардагерлердің, жеңілдіктері бойынша ҰОС ардагерлеріне, еңбек ардагерлеріне теңестірілген ардагерлердің автокөлік құралдары;
- қызметтік міндеттерін орындап жүрген арнайы автокөлік құралдары: жедел медициналық көмек, апаттан құтқару қызметтерін, құқық қорғау органдарын және т. б. ұйымдастыру;
- ауылшаруашылық және мелиорациялық машиналар;
- ұлттық парк пен оның күзетілетін аймағының шекарасында тұратын тұрғындардың автокөлік құралдары (осы территорияда тіркелген).
Бурабай, Бұланды және Еңбекшілдер аудандарының Ұлттық парк аумағынан тыс және және оның күзетілетін аймағынан тыс орналасқан өзге де елді мекендерінің тұрғындары ЕҚТА-ға автокөлік құралымен кіру үшін үшн жалпы негізде ақы төлеуге тиіс.
Терминалдардың үздіксіз жұмыс істеуі үшін барлық бақылау-өткізу бекеттерінде төлемді жоғары жеделдікпен өңдеуді қамтамасыз ететін талшықты-оптикалық байланыс желілері салынған.
Демалысты алдын-ала жоспарлаңыз, кептелісте уақыт жоғалтпау үшін ыңғайлы төлем әдістерін қолданыңыз!