«Бурабай» ұлттық паркінде әр орманшылықта бір қорықшыдан, жалпы 10 қорықшы-маман жұмыс істейді. Олардың міндеті - ұлттық парктің жануарлар әлемін қорғау мен сақтау. Осы мамандықтың ерекшеліктері туралы МҰТП жануарлар дүниесін қорғау және өсімін молайту бөлімінің аға қорықшысы - Ермек Әубәкіров айтып берді.
Адам баласы «қорықшы» сөзін естігенде сақалды, мылтығы бар, камуфляж киген ер адамның бейнесін көз алдында елестетеді. Бұл қиял шындыққа жақын.
«Қорықшы мамандығы өте қаһарлы мамандықтардың бірі. Қорықшы көп уақытын үйден алыс, орманда өткізеді. Қоршаған әлеммен байланыссыз болған кезінде, өзін жайлы сезіну өте маңызды. Ол үшін зор денсаулық және ерекше ақыл-ой жүйесі қажет, сонымен қатар батылдық, төзімділік, жылдам реакция, қарапайымдылық, кез-келген қиындықтарға дайын болу, тез шешім қабылдау мүмкіндігі де керек. Сол себептен бұл жұмыс кез-келген адамға лайық емес,бұл шындығында нағыз ер адамдардың жұмысы. Әлсіз мінезді адамдар шыдамайды. Сонымен қатар, бұл жұмыста кәсіптік білімнің болуы өте маңызды», - деп есептейді «Бурабай» ұлттық паркінің аға қорықшысы.
Ұлттық паркте табысты және тиімді жұмыс істеу үшін жануарлар мен құстардың биологиясын, олардың қоректенуі мен көбеюінің ерекшеліктерін, сондай-ақ жабайы табиғат жағдайында өмір сүрудің негіздерін білу қажет.
Ермек Әубәкіровтің өзі Макинка елді мекенінде туып-өскенмен, бүкіл балалық шағын Бурабай ормандарында өткізген. Сондықтан оған осындай өмір жолын таңдау бастан-ақ анық болды. Ол мектептен кейін Щучинск қаласындағы экология, орман шаруашылығы және туризм жоғары колледжіне түсті. Аталған оқу орнын тамамдағаннан кейін «Бурабай» МҰТП-ға жұмысқа келді. Оның ұлттық парктегі мансаптық жолы ЕҚТА инспекторы қызметінен басталды, содан кейін қорықшы қызметіне ауысты, ал қазір аға қорықшы болып жұмыс істейді.
Қорықшының қызметі бірсарынды болып көрінгенімен, шын мәнінде жан-жақты, себебі табиғат ғажайып құбылыстарға толы.
Жыл мезгіліне байланысты әртүрлі жұмыстар атқарылады. Қыста - жабайы аңдарды қоректендіреді және олардың тіршілік етуіне жағдай жасайды. Қорықшылар арнайы қоректендіргіштерге шөп, ағаш жапырақтарын және тұз салады. Бұл қатты аяз бен жылымық кезінде өте маңызды, себебі қатты мұз қабыршағы пайда болған кезде жануарлар жемге жете алмайды.
«Қыс пен көктем - жабайы аңдардың есебін жүргізу уақыты, олардың саны мен әртүрлілігін анықтайтын кезең. Есеп жүргізу жұмысы - ұлттық парк қорықшылары, инспекторлары мен ғылыми қызметкерлерінің негізгі жұмыстарының бірі. Іздерді анықтаудың арнайы әдістері бар. Деректер арнайы карточкаларға енгізіледі, содан кейін бірыңғай нысанда жиналып, жіктеледі. Есеп жүргізу ұлттық парк аумағындағы аңдар мен құстардың қаншалықты жайлы сезінетінін, олардың қалай қыстап, көбейгенін анықтауға мүмкіндік береді», – деді Ермек Әубәкіров.
Көктемгі кезеңде жетілмеген жас аңдар өздігінен шыға алмай батпақта батып, тұрып қалады, сол кезде қорықшылар көмекке келеді.
Жазғы уақытта қысқы кезеңге дайындық жұмыстары атқарылады. Қоректендіргіштер мен тұз салу науалары жөнделеді, жаңа қоректендіргіштер салынады.
Сонымен қатар, қорықшылар уақытының көп бөлігін ұлттық парк ормандары мен көлдерін браконьерлерден қорғау мақсатында бақылау жүргізуге жұмсайды.
«Жаңа табиғатты қорғау Заңнамасына сәйкес, ұлттық парк ормандарында браконьерлік ету, аңдарды аулау үлкен айыппұлмен қатар, бас бостандығынан айырылуға дейін қатаң жазалау қарастырылған. Бірақ балықшылар әлі де бұзақылық жасауда. Күзде бірнеше үлкен іс анықталып, бірнеше адам тұтқындалды. Ауыр әкімшілік айыппұлдан басқа, браконьерлерге балықтың әр килограмы үшін 4-тен 5 мың теңгеге дейін шығын төлеуге тура келді. Бұл фактілер БАҚ көздерінде көрсетілді. Бұл, заңсыз балық аулау әуесқойларының абтығын басады деген үміттеміз. Көл жағалауын Smart-жүйе камераларымен жабдықтау, біздің жұмысымызға үлкен көмек болып табылады», - дейді қорықшы.
«Қорқынышты кездер болады ма?» деген сұраққа Ермек Әубәкіров шын жауап берді:
«Ондай кездер әрине болды, әсіресе алғашқы жылдары. Мысалы, бір топ қасқыр алдыңнан кезіккенде, немесе орман ішінде қатты жаңбыр жауып, найзағай соққан кезде, жанындағы ағаш жаңа бастағанда қорқыныш сезімі болады».
Дегенмен, біздің кейіпкеріміз қызметін ауыстыруды ойламайды.
«Білесіз бе, мен өз жұмысымды жақсы көремін және өз ортамды бағалаймын. Мен табиғатпен үйлесімді өмір сүремін. Күн сайын құстардың әнін естіп қана қоймай, аңдарды, көз тартар көлдерді көріп, таза орман ауасымен дем аламын. Менің басты міндетім – табиғатты қорғау және оны болашақ ұрпақ үшін сақтау. Менің отбасым мені қолдайды. Сондықтан мен өзімді бақытты адаммын деп есептеймін және бұл өмірде өз орнымды таптым», – деп мойындады «Бурабай» МҰТП жануарлар дүниесін қорғау және өсімін молайту бөлімінің аға қорықшысы - Ермек Әубәкіров.
«Бурабай» МҰТП баспасөз қызметі
