«Бурабай» мемлекеттік ұлттық табиғи паркі құрылғанына 25 жыл толуына орай парк қызметкерлері ұжымның бірлігін, күш-қайратын және командалық рухын айқын көрсеткен бірқатар спорттық іс-шаралар өткізді.
Волейбол турнирі ең белсенді әрі ұйымшыл командаларды жинап, қатысушылар тек шеберліктерін ғана емес, сондай-ақ спорттық рух пен өзара қолдауды да көрсетті.
Арқан тарту жарысы ұжымның күшін, төзімділігін және бірлігін сынаған шынайы дода болды, ал жауынгерлік дайындық элементтері қызметкерлердің кез келген жағдайда әрекет етуге дайындығын паш етті.
Шахмат турнирінде қатысушылар стратегиялық ойлау мен сабырлылық танытты — бұл қасиеттер орманшылардың күнделікті еңбегінде де аса маңызды.
Бұл шаралар «Бурабай» МҰТП ұжымының табиғатты қорғаушылар ғана емес, өз ісіне және туған жеріне адал, ұйымшыл әрі мықты адамдар қауымдастығы екенін дәлелдеді.
