Республикалық «Таза Қазақстан» бағдарламасы аясында «Бурабай» мемлекеттік ұлттық табиғи паркі ормандарды қалпына келтіру жұмыстарын жалғастыруда. 2026 жылы мұнда ауқымды орман қалпына келтіру іс-шаралары жүзеге асырылды.
Бекітілген кешенді жоспар аясында 20,5 гектар аумаққа орман отырғызылды. Барлығы 160,7 мың көшет егілді. Негізгі үлесті екі жылдық қарағай көшеттері құрады. Олар 19,4 гектар аумаққа 155,2 мың дана көлемінде отырғызылды. Сондай-ақ 1,1 гектар аумаққа 5,5 мың қайың көшеті егілді.
Сонымен қатар өткен жылдардағы орман екпелерін толықтыру жұмыстары жүргізілді. 36,1 гектар аумаққа қосымша 72,2 мың қарағай көшеті отырғызылды. Барлық отырғызу материалы парктің өз орман питомнигінде өсірілген, бұл олардың жергілікті жағдайларға бейімделуін және жоғары жерсінуін қамтамасыз етеді.
