Ұлттық парк 2021-2027 жылдарға арналған орманды молықтыру және орман өсіру алқаптарын ұлғайту жөніндегі кешенді жоспарды жүзеге асыруда.
2021-2026 жылдар аралығында «Бурабай» МҰТП аумағында 3 миллион 505 мың қарағай көшеті отырғызылды.
Бұл жұмыстар алдағы уақытта да жалғасады: 2027 жылы тағы 200 мыңнан астам жас көшет отырғызу жоспарланып отыр.
Әрбір жаңа көшет — Бурабай экожүйесінің болашағына қосылған үлес, биоалуантүрлілікті сақтау, экологиялық жағдайды жақсарту және келешек ұрпақ үшін «жасыл қалқан» қалыптастыру.
Орман бір күнде қалпына келмейді. Бірақ ертеңгі табиғаттың негізі дәл бүгін қаланады.
